離開香港的日子 - 第112天

不必猜測我在何地
不必擔心我定回來

離開香港的日子 - 第102天 - 特別的一天

今日係4月20日, 對一般人是一個平凡的日子, 但對我來講是很特別的一天.

五年前的今日我無意中認識了這位朋友, 呢個朋友係我過去五年裹面一直都係我背後支持我, 過去的五年的而且確係好辛苦的日子, 面對工作(學業上)的壓力, 多謝這五年來一直都站在我那邊.

過去五年, 我們有很多快樂的時候, 有令你受氣的時候, 也曾有令你悲傷的時候. 我也曾做了一些令我們關係差點决裂的事情,最後你還在我身邊支持我. 多謝你...

詞不達意...唯有用黃凱芹係五年前呢首side-track去表達我對你的感激...

站在你那邊
曲詞唱/黃凱芹
編曲/Ted Lo
監製/Tony Kiang

"人活到這個年頭 煩惱已不寫進日記簿
誰待我好 誰對我不好 難道我竟不知道
或許再不敢禱告 其實心依然貪慕
怕死貪生 騖遠好高
想飛 又害怕跌倒

每當深感到不如意 你總低聲呼我名字
告訴我地球是這樣圓 風光都輪流轉
縱使不須多講言語 已經很清楚心裡邊
默默地給我支持 還說永遠站在你那邊

親愛的 與你相識 轉眼已有幾年
你讓我 去做最真實的我
行到水窮處 坐看雲起時
沒有甚麼事 甚麼人可使我介意
永遠站在你那邊 "

我都會永遠站在你那邊..... 最後祝你無論係工作上, 愛情上都事事得意...我知你蜜運緊啦....hehe

離開香港的日子 - 第101天 - My Home

終於的起心肝寫番個Blog. 之前三個多月好忙, 一來要把新工作做好,二來都好像沒有閒情逸志去寫.

好多嘢想分享, 首先從我新居開始...



我的新居一幢五層樓高的residential building. 我住的係一間studio unit. 話明studio, 就即係冇房冇間開, 一入去就係張牀(似酒店房). 地方係好細但足夠我一個人住. 租金大約AUD$240一星期. 以location同環境來講, 這是個己很不錯的選擇, 平平地.係澳洲租屋的好處係水費己經包左係租金裏面, 即係可以任你用, 哈哈, 正好付合我呢種勁飲水同沖涼嘅人的需要. 這是fully-furnished unit, 即係包稼私同電器, 只有一個luggage就可以搬入嚟住. 洗衣機同dryer係同隔籬unit 共用, 都ok啦. 我鄰居係Indian, 兩個男人, 都幾好人,有時我地舍會傾下計. 過唯一難頂就係佢地煮咖喱嗰陣味, 搞度連我間房都聞到, 而家我用plastic sheet封左門隙就好好多,冇左味道同小小強到訪.

仲未講我住的地區, 我住係一個叫Spring Hill 的suburb, 係downtown行15分鐘就可到我屋企, 係上了小小山的位置. 以香港地理作比喻, 就好似堅尼地城行上去士美菲路再上蒲菲路, 或者中環/金鐘行上去羅便臣道, 當然我呢度冇咁高級啦, 平時行返大學都唔駛半個鐘. 我工作的大學QUT係downtown. 好方便, 所以我每天都行過市中心返到大學.

仲有我住building對面有個好靚parkland, 好想揾日落去曬下太陽.


至於窗外景, 就係部份downtown, 係咪都唔差, 幾靚